سنڌي آھيان
ٻولي منھنجي سنڌي آھي
سنڌوءَ جي مان ڄائي آھيان
لولي ماءُ ڏِني جا مونکي
ور ور جيڪر ويٺي ڳايان
سنڌوءَ جي مان ڄائي آھيان.
شاد رھين آباد رھين شل
منھنجي سُھڻي سنڌ سڀاڳي
تنھنجي دُک ۾ دُکي رھان مان
تھنجي منھنجي جندڙي ساڳي
تنھنجي سُک ۾ سُکي رھان مان
تنھنجو دُک سُک پنھنجو ڀايان
سنڌوءَ جي مان ڄائي آھيان
چوان فخر سان سنڌي آھيان
سنڌي آھي منھنجي ٻولي
کڻي ھنج ۾ ماءُ ڏِني ھُئي
جنھن ٻوليءَ ۾ مِٺڙي لولي
لِکان پڙھان سنڌيءَ ۾ ئي مان
سڀ سان سنڌيءَ ۾ ڳالھايان
سنڌوءَ جي مان ڄائي آھيان
سنڌي گلشن جو گُل آھيان
ھند اندر خوشبوُ ڦھلايان
گُڻ ڳائي تنھنجا او سنڌڙي
ھر ڪنھن کي مان ميت بڻايان
سڏُ ڪري سنڪٽ ۾ ديوي
اُن جو سِڪ مان سڏ اونايان
سنڌوءَ جي مان ڄائي آھيان
Posted in Uncategorized
